ზიგზაგი პრაქტიკული გამოცდის ერთ-ერთი ელემენტია, სადაც განსაკუთრებით მნიშვნელოვანია ტრაექტორიის დაცვა, საჭის კონტროლი და სადგარებს შორის ზუსტად მოძრაობა.

ელემენტის შესრულება იწყება შუაში მდებარე პირველი სადგარის მარცხენა მხრიდან შემოვლით. თუ კანდიდატი ელემენტს არასწორი მხრიდან დაიწყებს, აკლდება -15 ქულა.

შემდეგ ავტომობილმა უნდა გაიაროს შუაში განლაგებულ სადგარებს შორის და მოძრაობისას არ შეეხოს არც სადგარებს და არც მონიშვნებს. ამ მოთხოვნების დარღვევისთვის გათვალისწინებულია -15 ქულა.

ასევე აუცილებელია მთელი ელემენტის განმავლობაში განსაზღვრული მიმართულების შენარჩუნება. მიმართულების დარღვევისთვის დაგაკლდება -10 ქულა.

ზიგზაგის შესრულებისას მნიშვნელოვანია კიდევ ორი წესი:

თუ ძრავი ჩაქრება - -15 ქულა
თუ გამოიყენებ უკუსვლით მოძრაობას - -10 ქულა

რას უნდა მიაქციო ყურადღება?

ზიგზაგის სწორად შესრულებისთვის ეცადე იმოძრაო ნელა და სტაბილურად, წინასწარ გათვალო საჭის მოხვევის მომენტი და მუდმივად აკონტროლო ავტომობილის მდებარეობა სადგარებთან მიმართებით.

მთავარია არა სიჩქარე, არამედ სიზუსტე, სწორი მიმართულება და ავტომობილის კონტროლი.